رساله من مصريه تعيش بالعريش

دي رساله نشرتها واحده من سكان العريش علي صفحات الانترنت

" احنا في ورطه بجد ياجماعه
بصوا انا مبعرفش اكتب كويس بس اللي عايزه اقولهولكوا انكوا اكيد سمعنوا عن السيول اللي كانت في العريش الاسبوع اللي فات بجد عذاااااااااااااب ربنا يحمينا ويزيل عنا هذا الكرب بجد دمر بيوت ومستشفيات واطفال الحضانات ماتوا كلهم وكمان كان في حالات حرجه في المستشفيات وتوفت حتى الشغل معطل وكمان طلبة الجامعات مش عارفين يروحوا جامعاتهم عشان امتحاناتهم واخويا كان منهم وفي ناس خرجت من بيتها قبل السيل وبعد كده جه السيل وحصرهم عن بيتهم وباقي اهلهم وكمان مازالت في اسر مفقوده وفي افراد من بعض الاسر ماذالوا مفقودين تخيلوا مايه ارتفاعها 8متر وكمان الاسعار غلت ومفيش سلع بتيجي من المحافظات الاخرى عندنا في الاسواق والنهارده نبهوا في الجوامع قالوا ان في عاصفه شديده جدا ودلوقتي انا كتب والدنيا بتمطر وخايفين من السيول تاني لانها محتمل تيجي زي ماقالوا كل الناس في حالة ذعر ورعب انا كمان جوزي مسافر وكان المفروض يجي معرفش يجي عشان السيل
ادعولنا ياجماعه بظهر الغيب ان ربنا يصرف عننا البلاء ده ويرحمن برحمته امانه عليكوا كلكوا تدعولنا ولاتنسونا "

كان الله معاكم وتغمدكم برحمته

كان الله في عونهم ربنا معاهم ويصبرهم ويرحمهم برحمته

اللهم يا ارحم الراحمين اصرف عنهم البلاء وفرج عنهم كربهم
اللهم استجب لدعوانا يا رحمن يا رحيم والطف بعبيدك

ربنا يساعدكم

ربنا يتولي المنكوبين برحمته

ربنا معاهم