برغوت في بطن الحوت *** مش همه انه يموت
مش همه ضلمه وخوف *** وبيوزع في كروت
بيقول بلاش الخوف *** بيقول انا ليا صوت
مش راضي شخصه وقيمته *** بيقول مانيش برغوت
براحتكم ومش هخاف *** مانيش انا الخواف
اللي حقه يضيع *** وهو عادي وديع
دي مصيبه اه دي مصيبه*** دي خيانه والله وعيبه
بتخون نفسك بسكوتك *** ماتصرح عللي صوتك
وقول انا ليا حق ومش هسيبه ياظلمه
مش هبقي سلبي انا لأ البرغوت ايه غير كلمه
اموت عادي *** بس اموت وانا راضي عني
اقطعو لساني هصرخ واقول يني يني
المهم اتكلم *** اخرس او متكلم
وطول ماباخد علي قفايا *** والكف فيا يعلم
هاخد دروس ومواعظ *** واكيد اكيد هتعلم
هقول انا ليا صوت *** مش هرضي اكون مكبوت
لو عمري كله يفوت *** وانا في عينيهم هلفوت
اسف قصدي برغوت *** مش هتداره في بيوت
ولو يغتالوني واموت *** هموت وانا مبسوط
مش فارقه ماانا برغوت
بس ابقو امشو في جنازتي *** وقولو توت توت
اهو هو ده البرغوت *** اللي طلعلوه صوت
ومات في بطن الحوت