الناس خيبتها سبت وحد
وخيبتنا سبعه فى الأسبوع
ودى كلمه وغطاها بتترد
هنخش على طول فى الموضوع
ياعم ياطويل التيله
ياعريس وعامل هوليله
فرحان أوى ولاعلى بالك
والناس خلاص هتموت م الجوع
مبروك عليكى ياعروسه
رئيس حكومة المحروسه
نظيف وخالى من السوسه
لو وقفنا جنبه نطول الكوع
ودى مش غتاته ولاغلاسه
لكن فى شىء أسمه حساسه
مالنا أحنا وحياتك الخاصه
أفرح ياسيدى دا شىء مشروع
لكن راعى مثلا مشاعر الأقباط
وأم حزينه ونازله عياط
نسيت أوام قطر العياط
وضحايا السيول دول بالميات
وعوانس وعاطلين بالملايين
بنات بنين مهما كان النوع
الرحمه ياجناب المسئول
يابو حكومه ألكترونيه
مش أنت يوم صرحت تقول
هنقلكوا نقله حضاريه
وحياتكوا هتكون بزراير
وعيشتكوا هتبقى أوربيه
والمصرى مفلس جيبه مقطوع
ياسايب الناس تتألم
وشعارك أرمى ورا ضهرك
ياويلك عشان فينا عمال تظلم
ومن دمنا تدفع مهرك
فوضنا فيكو أمرنا لله
رب محمد ويسوع
موضوع: مبروك عليكي عريسك الخفه 
الخميس فبراير 18, 2010 1:46 am
