على باب سفارة كندا

على باب سفارة كندا
لمحت ابليس و ف ايده استمارة
..بقول له على فين...
قاللي بص
..يا هجره يا اعارة
..يا عم زهقت كفرت
..الاقيش معاك سيجارة
..انا انتهيت خلاص
..لا نافع وسواس ولا خناس
..ولا ليا عيش وسط الناس
دي عالم مجرمين
..عندكوا فائض ف الفساد
..في كل البلاد
..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا
..تقلبوا الحق باطل
..و تسلكوا القاتل
..و تمشوا ف جنازة المقتول
..ومفيش مشاكل
..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
..ولا كمساري ف اتوبيس
..يا عم ده انا زمان
..كنت استنى حد ينسى
يسمي
..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته
...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه
...و برضه مفيش فايدة

هههههههههههه جمدا جداً ياشيماء

هههههههههههههههههههههههههههههههههه جميلة جدا يا شوشو عسل والله Very Happy

يا عم ده انا بقيت أوسوس بالمقلوب
...و أقول للحرامي كفايه بقى توب

هههههههههههههههههههههه
وهل قست الحياة علينا الا بعد ان رأت بأسنا بيننا شديد
برافو عليكي يا شيمو

حتي ابليس زهق منا ............ حلوه اووي ياشوشو

كده يا شيموا انا ابصم بالعشرة انك اخت محمد

أصبت يا أحمد وصحيح زي ما بتقولوا في مصر
أخت الوز عوام

لا هي ابن الوز عوام بس هي عشان اخت محمد يبقي زي ما انت قولتي بالظبط اخت الوز عوام