nile

منتديات عامه ( ثقافيه - ترفيهيه - أبداعيه )
 
الرئيسيةاليوميةس .و .جبحـثالمجموعاتالتسجيلدخول

شاطر | 
 

 الدرس انتهي (صلاح جاهين)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
boky alnobia
عضو برونزي
avatar

عدد المساهمات : 78
نقاط : 120
تاريخ التسجيل : 14/12/2009
العمر : 30

مُساهمةموضوع: الدرس انتهي (صلاح جاهين)   الأربعاء فبراير 24, 2010 8:34 pm

الدرس انتهى لموا الكراريس

بالدم اللى على ورقهم سـال

فى قصـر الأمم المتــحدة

مسـابقة لرسـوم الأطـفال

ايه رأيك فى البقع الحمـرا

يا ضمير العالم يا عزيزى

دى لطفـلة مصرية وسمرا

كانت من أشـطر تلاميذى

دمها راسم زهرة

راسم رايـة ثورة

راسم وجه مؤامرة

راسم خلق جباره

راسم نـار

راسم عار

ع الصهيونية والاستعمار

والدنيا اللى عليهم صابرة

وساكته على فعل الأباليس

الدرس انتـهى

لموا الكراريس ..

ايه رأى رجـال الفكر الحر

فى الفكرادى المنقوشة بالدم

من طفل فقير مولود فى المر

لكن كان حلو ضحوك الفـم

دم الطـفل الفـلاح

راسم شمس الصباح

راسم شـجرة تفاح

فى جناين الاصلاح

راسم تمساح

بألف جناح

فى دنيا مليانة بالأشبـاح

لكنـها قلـبها مرتــاح

وساكتة على فعل الأباليس

الدرس انتـهى

لموا الكراريس …

ايه رأيك يا شعب يا عربى

ايه رأيك يا شعب الأحـرار

دم الأطـفال جايلك يحـبى

يقول انتـقموا من الأشـرار

ويسيل ع الأوراق

يتهجى الأسـماء

ويطـالب الآبـاء

بالثـأر للأبـناء

ويرسم سيف

يهد الزيـف

ويلمع لمعة شمـس الصيف

فى دنيا فيها النور بقى طيف

وساكتة على فعل الأباليـس

الدرس انتهى لموا الكراريس
الرجوع الى أعلى الصفحة اذهب الى الأسفل
أحمد سيف الدين
عضو فضي
avatar

عدد المساهمات : 127
نقاط : 143
تاريخ التسجيل : 27/11/2009

مُساهمةموضوع: رد: الدرس انتهي (صلاح جاهين)   الخميس فبراير 25, 2010 11:20 pm

ما اروع اختياراتك يا سارة
الرجوع الى أعلى الصفحة اذهب الى الأسفل
boky alnobia
عضو برونزي
avatar

عدد المساهمات : 78
نقاط : 120
تاريخ التسجيل : 14/12/2009
العمر : 30

مُساهمةموضوع: رد: الدرس انتهي (صلاح جاهين)   الجمعة فبراير 26, 2010 5:38 pm

انا متشكره جدا يا احمد على ردك وعلى فكره بتعجبنى ردودك قوى على كل أعضاء المنتدى
الرجوع الى أعلى الصفحة اذهب الى الأسفل
queen_of_babylon7
عضو برونزي
avatar

عدد المساهمات : 82
نقاط : 92
تاريخ التسجيل : 19/12/2009

مُساهمةموضوع: رد: الدرس انتهي (صلاح جاهين)   الجمعة مارس 26, 2010 10:49 pm

القصيده دي رثاء لاطفال مدرسة بحر البقر
صح يا سارة ؟؟؟
الرجوع الى أعلى الصفحة اذهب الى الأسفل
 
الدرس انتهي (صلاح جاهين)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
nile :: الفئة الأولى :: المنتدي الأدبي-
انتقل الى: