nile

منتديات عامه ( ثقافيه - ترفيهيه - أبداعيه )
 
الرئيسيةاليوميةس .و .جبحـثالمجموعاتالتسجيلدخول

شاطر | 
 

 يوميات احمد الصعيدي ... ونور بنت استايل ... في الجامعة‏

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

عدد المساهمات : 165
نقاط : 253
تاريخ التسجيل : 24/11/2009
العمر : 32
الموقع : http://nile.own0.com

مُساهمةموضوع: يوميات احمد الصعيدي ... ونور بنت استايل ... في الجامعة‏   الأحد مايو 16, 2010 11:52 pm

دي قصه قريتها في جروب علي الفيس بوك . القصه دمها خفيف اوي حبيت اني انقلهلكم علي المنتدي القصة متكونها من 13 حلقه
. يارب تعجبكم


الحلقة الاولى

احمد: لو سمحتي حضرتك...ممكن براية

نور: ههههههههههههههههههههههههههه

احمد :حضرتك بتضحكي على ايه ممكن اعرف يعني لو سمحتي

نور : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

نور : ايييييه..ايه شفرة دي..ممكن تسكت لو سمحت

احمد : حد معاااااااه براااااااااية....او قلم زيااااااادة..ردوا

نور: انت اكيد مجنون وطي صوتك الطلبة كلها بتضحك عليك

احمد :ويضحكوا ليه ولاد الدزمة دووووووووول

نور: خلاص خلاص انا هنقل المحاضرة وبعدين اديلك تصورها

احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة

نور : انت مالك ومال خطي مش كفاية هديلك تنقل مني وهتعطل انا

احمد : ليه وانتي عربية اصلك علشان تتعلطي..هما البنات متعطلين خلجة

نور : انت انسان قليل الادب...بجد مش بتعرف تكلم البنات ازاي

احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد


وكأنهم قطيع من المواشي

هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

نور : بس تعرفي شكله وسيم اووووي...حاسة انه طيب وعلى نياته

هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا

نور:يا ستي سيبك

هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انجلها هاتيها يلا يلا بسرعة

نور : تنقل ايه يابني دي عشر ورقات غير في رسومات وجداول

احمد :ومالهم يعني عشر ورجات انتي هتخلفي وعدك ولا ايه

نور : انا مقلتش كده بس في حاجة اسمها تصوير..اسرع يعني

احمد: هههههههههههههههههه اصور ايه بخطك الزفت ده..شوفي ...زفت

نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

نهايه الحلقه الاولي
الرجوع الى أعلى الصفحة اذهب الى الأسفل
http://nile.own0.com
sama
عضو فضي
avatar

عدد المساهمات : 125
نقاط : 152
تاريخ التسجيل : 27/11/2009
العمر : 31

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الإثنين مايو 17, 2010 2:33 pm

دمها خفيف اوي يا محمد
وكويس انك افتكرت ان عندك منتدي وليك فيه اعضاء
الرجوع الى أعلى الصفحة اذهب الى الأسفل
semsema
مشرف منتدي عالم حواء
avatar

عدد المساهمات : 324
نقاط : 527
تاريخ التسجيل : 27/11/2009
العمر : 35

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الإثنين مايو 17, 2010 5:46 pm

ههههههههههههههههههههههههههه حلوة اوي دمها خفيف جدا
الرجوع الى أعلى الصفحة اذهب الى الأسفل
Admin
Admin
avatar

عدد المساهمات : 165
نقاط : 253
تاريخ التسجيل : 24/11/2009
العمر : 32
الموقع : http://nile.own0.com

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الإثنين مايو 17, 2010 9:26 pm

ا
الحلقه الثانيه


"واليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها"
" تعالوانشوف الايام والحياة الجامعية هتعمل ايه في احمد وهيتعامل معاها ازاي"
"كان
ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي

احمد: ديب ديب ديب انتوا يا ناس يللي هنا...افتحوا الباب
الساعي : يا فتاح يا عليم يا رزاق يا كريم

احمد: ماترش ميا يا راجل جدام المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقت

احمد:هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك

احمد: اما اروح اجيب كوباية شاي سخن مولع
الراجل: تؤمر بأيه يا فندم

احمد : شاي خمسينة بنعناع

الراجل: ايه ايه...مفيش نعناع

احمد: ومفيش نعناع ليه

الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع

الراجل: خد فلوسك اهي

احمد:طب والشاي ابو نعناع فين
الراجل:اوووف

احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي

قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...

ونجح انه يجيب المرة دي ..دخل المدرج

وفجأة

لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب

نور :وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش عاجبك
نور:طيب انا مش هقوم

احمد: هروح للعميد يجي يجومك

نور:ههههههههههههههههههه
احمد:بتضحكي على ايه يا باردة
نور: لم نفسك
احمد: شايفاني مبعتر في الارض ولا اييييييييه

نور: مش هتحضر...هههههههههههههه

احمد :عليا الطلاج لأحضر غصب عنك وعن عين ابوكي....

وفجأة سمع صوت الدكتور بيناديله !!!!!!!!!!!!!!

.
.
نهايه الحلقه الثانية ا
الحلقه الثالثة



وقف الدكتور بكل ثقة...وبص على الطلبة كلهم

من بين كل الطلبة وقعت عينه على احمد وهو مكشر

الدكتور :مالك ياابنى مكشر من اول السنه ليه كده
احمد:لو سمحت معاك نمرة ماحمول العميد
الدكتور : ههههههههههه ايوة ليه

احمد : عاوز اقدم شكوى في البت دي
نور :متقولش بت

احمد:هجول بت وستين بت كمان جومي بجه
الدكتور : بس بقى اخرس شوية يا اماهطردك
احمد : انا ...تطردني ليييييييه هاتلي مكان اجعد فيه سعادتك

الدكتور: تعالى اعد جنبي هنا على الكرسي ده

احمد : وااه...اجعد جنبك مرة واحدة ياداكتووور

الدكتور :ايوة تعالى

وهو نازل راح وقع الكتاب بتاع نور ورمى اقلامها

راحت نور ضربته على ضهره..قال ااااااااااااه

وصوته سمع المدرج كله والكل فضل يضحك عليه

الدكتور : اطلع برا يلا..مش هتحضر المحاضرة

احمد : ابوس ايدك يا بيه انا امبارح مكتبتش والنهارده محضرش..مين يرضى بكده يا ناس

وهو خارج رمى عينه على نور ولمح فيها نظره عطف جميله

بعد ما المحاضرة انتهت...نور خرجت لأحمد

نور :بجد انا اسفة اوووي

احمد : على ايه بقى ما المحاضرة خلاص

نور : خد المحاضرة بتاعتي انقلها وانا هستناك

احمد : بجد بتتكلمي بجد

نور : ايوة مع انهم اكتر من عشر صفحات بس هستناك

احمد: متشكر يا مازمازيل نورة

نور : لأ قول نور بس احنا زمايل وابتسمت ومشيت

احمد عمال ينقل وعمال يقول في سره...خطها زي الزفت

بس شكلها طيب اوى....الخط مش كل حاجة في الانسان يعني
احمد لمح نور وهي جايةوبتبتسم بخجل

نور : احمد انت خلصت المحاضرة

احمد : لأ لسة انا في اول صفحة مش عارف اجرا الكلمه دى

نور قرت الكلمة

نور : اوكي كمل انا هستناك

احمد :لا لا انتي لازم تروحى دلوقتى عشان انتى اتاخرتى خالص
نور : طيب والمحاضرة
احمد : تتحرج المحاضره
نور ضحكت ضحكة رقيقة جدا حركت قلب احمد الاسد

احمد : ممكن اوصلك لحدالباب...والله لحد الباب بس

نور : اوكي اوكي مفيهاش حاجة اتفضل

احمد : انتي فى الجامعة هنا من امتى
نور :ايه يا احمد انا في سنك لسة اول سنة
احمد : اناعارف انا عارف

احمد : وياترى دخلتي هنا واسطة ولا ايه

نور: هههههههههههههههههه ...احمد مالك في ايه
احمد : لا بهرج معاكي

نور : تعرف انك.....
احمد :اني ايه؟

نور : طيب اوووي

احمد : وانتي انسانة محترمة اه فعلا محترمه بجد

نور : ميرسي

احمد :يالهوي ياني انا منجلتش المحاضرة بتاعت النهاردة

نور : ميرسي يا احمد على التوصيلة الجميلة دي منك
احمد : انتي رايحة
فييييييييييييييييين
المحاضرة

المحاضرة

المحاضرة

.


نهايه الحلقه الثالثه ا
الرجوع الى أعلى الصفحة اذهب الى الأسفل
http://nile.own0.com
أحمد سيف الدين
عضو فضي
avatar

عدد المساهمات : 127
نقاط : 143
تاريخ التسجيل : 27/11/2009

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الإثنين مايو 17, 2010 10:46 pm

ايوه كده يا محمد ارجع بمواضيعك الجامده
احنا كنا هننسي يا اخي اننا عندنا منتدي
الرجوع الى أعلى الصفحة اذهب الى الأسفل
amira
مشرف منتدي التعارف
avatar

عدد المساهمات : 123
نقاط : 153
تاريخ التسجيل : 24/01/2010
العمر : 32

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الثلاثاء مايو 18, 2010 2:27 pm

حلو اوي يا حمادة ودمها عسل اوي
ياريت تكملها بسرعه
الرجوع الى أعلى الصفحة اذهب الى الأسفل
راندا
عضو فعال


عدد المساهمات : 49
نقاط : 53
تاريخ التسجيل : 11/06/2010
العمر : 29

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الجمعة يونيو 11, 2010 5:00 am

ههههههههههههههههههههههههههه
كوميدية اوي يا محمد كملها بقي
الرجوع الى أعلى الصفحة اذهب الى الأسفل
cinderella
عضو فضي
avatar

عدد المساهمات : 106
نقاط : 130
تاريخ التسجيل : 19/12/2009

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الأربعاء يوليو 07, 2010 6:10 am

كمل يا ادمن مش كل نره هتضحك علينا
الرجوع الى أعلى الصفحة اذهب الى الأسفل
sama
عضو فضي
avatar

عدد المساهمات : 125
نقاط : 152
تاريخ التسجيل : 27/11/2009
العمر : 31

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الأربعاء يوليو 07, 2010 10:28 pm

لا يا سيندريلا محمد اتعود يضحك علينا
الرجوع الى أعلى الصفحة اذهب الى الأسفل
Admin
Admin
avatar

عدد المساهمات : 165
نقاط : 253
تاريخ التسجيل : 24/11/2009
العمر : 32
الموقع : http://nile.own0.com

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الثلاثاء يوليو 20, 2010 4:22 am

لا يا جماعه والله مش بضحك عليكم بس مكنتش لاقي الجروب بعد ما مسحوا الاكونت بتاعي من علي الفيس بوك ودي 3 حلفات مرة واحده علي سبيل التعويض


يلا الحلقة الرابعة..



احمد مأجر شقة مفروشة وساكن فيها فترة الدراسة....ظبط المنبه بتاعه على ميعاد الجماعة
جرس الباب بيرن...بيرن...خبط جامد....احمد قام مخضوض وبيفتح الباب وووفجأة




هاي..انا جارتك اللي ساكنة قصادك
احمد : طيب وانا اعمل ايه يعني جارتي ولا مش جارتي
تؤ...طيب قول صباح الخير..قول صباح النور..قول صباح اللي بتغني
احمد : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي
انا ؟ ؟
احمد : امال امي
تؤ تؤ انت عصبي كده ليه...كل شئ بالتفاهم وبالهدوء...اعملك

نسكافيه يهدي اعصابك
احمد : متشكر يا ستي متشكر خالص انا...عاوزة ايه مني على الصبح كده انا ورايا جامعة
ايه ده ..انت بتروح الجامعة...انا بفتكرك في المدرسة
احمد : صبرني يارب صبرني ...جولي عاوزة ايه هتأخر على الجماعة
عندك حبة شطة
احمد : هاا...جلتي عاوزة ايه
شطة شطة....اللي بتخلي الاكل يوحوح
احمد : لا انا مش بحب اوحوح عن اذنك...وقفل الباب ولبس بسرررعة ونزل

ركب الاتوبيس

احمد : الأجرة بكام لو سمحت يا اخينا
رد شاب ستايل...ههههههههه ايه اخينا دي دي كلمة قديمة موت
احمد : ماشي يا عم الجديد....بكام الاجرة
الكمثري :بجنيه وبريزة يا كابتن
احمد : اشمعنى وبريزة
الكمثري : حكومة تقدر تتكلم
احمد : خد يا عم ونزلني عند الباب الرئيسي

احمد داااااااااخل بيجرررري....وهووووووب...خبط في بنت وقع عليها العصير

انت غبي ...انت مبتشوفش
احمد :هشششششششششش
انت قليل الادب مش محترم كمان
احمد : هسسسسسسسسسس
احمد : انا ورايا محاضرة مش فاضيلك انا خدي منديل

انا هوريك انا لازم ابهدلك
يا عمرو يا وائل يا هيثم

عمرو : مالك بيها يا تحفة
وائل : انت لازم تتربى كويس
هيثم : مش هتروح سليم النهاردة

نور لمحت الخناقة من بعيد
نور : احمد احمد في ايه
احمد : ابعدي انتي يا نور ده تار قديم وهيخلص النهاردة
نور : احمد دي جامعة انت ممكن تتفصل
احمد : ومحضرش محاضرات تاني ؟
نور : ايوة ايوة انا هروح انده الامن
احمد : تندهي الامن يشيلوا جستي ولا ايه

وفجأة الامن جه والمشكلة اتحلت والحمد لله احمد خرج سليم
مع انه كان ادها وادود يعني بس خاف طبعا على مستقبله

احمد : متشكر يا نور جوي
نور : ده اقل واجب يعني
احمد : انتي عملتي الواجب صح
نور : واجب ايه يا احمد هو احنا في مدرسة
احمد : ههههههههههه اصلها فاكراني في المدرسة
نور : هي مين دي
احمد : اللي عاوزة الشطة
نور : انا مش فاهمة حاجة يا احمد
احمد : انتي بتحبي توحوحي
نور : هههههههههههههههههههه
احمد : هههههههههههههههههههه
نور: تعرف يا احمد ان دمك خفيف اوي
احمد : ربنا يخليكي انا مش بجدر على الكلام ده
نور : هو انا قلت حاجة يا احمد
احمد : ايوة دمي خفيف وحلو ومسمسم والكلام الكابير ده
نور : ههههههههههههههههههههههه
احمد : بتضحي على ايه عاد
نور : ههههههههههههههههههههههه
احمد : يوه يوه يوه
نور : المحضارة هتبتدي يا احمد يلا نحضر
احمد : ماتيجي نتمشى شوية في الحديقة وبلاش المحاضرة
نور : بجد ...طيب يلا
احمد : ال حديقة ال....يلا يا هانم نلحج المحاضرة انا حاجزلك جنبي

الحلقة الخامسة زي ما وعدتكوا
يلا نكمل

الحلقة الخامسة..


احمد دخل لقى اتنين اعدين مكانه هو ونور

احمد : ايه يا كابتن انت وهو انا حاجز المكان ده من بدري

انت حاجز صالة ولا بلكون

احمد : لأ حاجز حمام يا خفيف

هو انت فاكرني شاي ولا ايه

احمد : ايوة شاي ومتاخدش في ايدي غلوة كمان

انت باين عليك متعرفش الكابو هيثم

احمد : وانت باين عليك متعرفش احمد ابن عم هريدي عمدة القرية

ههههههههههههههههههههههههههه

احمد : بتضحك على ايه يا ابن الدذمة

ودخل احمد في عراك وكأنه عراك بين الديوك ونور مش عارفة تعمل ايه
غير انها جابت النوت بوك بتاعها وفضلت تضرب مع احمد

احمد : اي اي ايه يا نور دي دماغي انا
نور : سوري يا احمد مكنش قصدي بجد
احمد : اخرجي انتي برا وايه الجلم الرصاص اللي بتضربي بيه ده
نور : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

احمد : هجطعه

الدكتور : تقطع مين يابني ...احنا في جامعة

احمد : جامعة مش جامعة هجطعه

نور : ايوة احنا هنجطعه

الدكتور : تعالوا برا انت وهي

احمد : لأ والنبي يا داكتور الجو ساجعة برا جوي

الدكتور : اطلع بقولك

نور : يلا يا احمد

احمد : يلا ايه وزفت ايه ...هو احنا رايحين نتفسح

وطلعوا يا عيني هما الاتنين ولسوء حظ احمد انه برضه محضرش المحاضرة دي كمان

احمد : انا مروح يا نور

نور : لأ خليك اعد معايا شوية

احمد : لأ يا نور انا مروح

نور : انا عايزة اتكلم معاك

احمد : بكرا ان شاء الله نتكلم كتير...ماهو كده كده مش هحضر بكرا برضه

نور : انت بتحب الماحضرات ليه يا احمد

احمد : انا جاي مصر عشان اتعلم يا نور مش عشان اتنزه

نور : انا عارفة انك شاب مش فاضي من جواك

احمد : ربنا يخليكي يا نور

نور : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي

احمد : ماتجولي معفن احسن يا ست نور

نور : انا مش اقصد خالص

احمد : ولا تقصدي...انا جيت مصر غلط من اساسه دي مش بيئتي ولا دي حياتي

نور : انا اسفة

احمد : انا اللي اسف ....عن اذنك

وبعد ما احمد مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس احمد حساس حبتين

نور حاولت تتصل باحمد عن طريق جارته

نور : الو ممكن اكلم احمد جار حضرتك

الجارة : احمد مين يا انسة

نور : احمد جارك

الجارة : اااه تقصدي حمادة ميدو مودي

نور : انتي مسمياه كده

الجارة : هو بيحبني اووي اقوله كده

نور : طيب كويس ممكن تناديه

الجارة : احمد احمد احمد احمد

احمد احمد احمد احمد

احمد : سلام قولا من رب رحيم..اختشي يا ولية على دمك بجى في حد يخبط على حد الساعة عشرة بالليل

الجارة : يووه ايه يا ميدو ..انا خضيتك ولا ايه...طيب تعالى في حضن ماما تعالى

احمد : اخلصي يا ست عاوزة ايه مني وليه بتخبطي في وقت زي ده

تليفون عاوزك

احمد : والتليفون عاوزني في ايه

هههههههههههههههه جتك ايه يا موودي يا سكر
اقصد حد عاوزك على التليفون

احمد : ابوووووووويا جراله ايه انطجي قولي

لأ لأ ده صوت واحدة

احمد : امي امي اما مالها مالها

الجارة : ده صوت جثة

احمد : ههههههههههههههههههههههه
احمد : والجثة هتتكلم ازاي يا ام مخ تاخين

تعالى ورايا يا مووودي وانا اخليها تنطق وتتكلم

احمد : طيب يا وش المصايب

نور : سمعت ضحك احمد ويا جارته دي ...وقفلت السكة

احمد : الو الو ...الو الو

احمد : هههههههههههههههههههههههههه

احمد : الجثة مش راضية تنطق...ده باين كده الجثة ماتت
هههههههههههههههههههههههههههههههههه

ووووووووووواشوفكم الحلقة

الجاي ان شاء الله
الرجوع الى أعلى الصفحة اذهب الى الأسفل
http://nile.own0.com
boky alnobia
عضو برونزي
avatar

عدد المساهمات : 78
نقاط : 120
تاريخ التسجيل : 14/12/2009
العمر : 29

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الأحد يوليو 25, 2010 12:30 am

حلوة
الرجوع الى أعلى الصفحة اذهب الى الأسفل
sabreen
عضو نشط


عدد المساهمات : 16
نقاط : 21
تاريخ التسجيل : 26/04/2010
العمر : 29

مُساهمةموضوع: يوميات أحمد الصعيدي.... ونور بنت استايل   السبت سبتمبر 11, 2010 2:56 am

بجد جامده اوي يا محمد وياريت تعطينا المزيد والمزيد من ما هو جديد
الرجوع الى أعلى الصفحة اذهب الى الأسفل
sama
عضو فضي
avatar

عدد المساهمات : 125
نقاط : 152
تاريخ التسجيل : 27/11/2009
العمر : 31

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   السبت سبتمبر 11, 2010 5:16 pm

باين كده محمد نسينا تاني يا صبرين
الرجوع الى أعلى الصفحة اذهب الى الأسفل
super_waves20
عضو مشارك


عدد المساهمات : 8
نقاط : 8
تاريخ التسجيل : 22/10/2010
العمر : 33

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الجمعة أكتوبر 22, 2010 8:30 pm

على فكرة تحففففففففففففه بيفكرنى بمحمد هنيدى فى الجامعه الامريكية
الرجوع الى أعلى الصفحة اذهب الى الأسفل
boky alnobia
عضو برونزي
avatar

عدد المساهمات : 78
نقاط : 120
تاريخ التسجيل : 14/12/2009
العمر : 29

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   الجمعة ديسمبر 24, 2010 6:05 pm

حلوة قوى يا محمد ودمها خفيف قوى. Razz
الرجوع الى أعلى الصفحة اذهب الى الأسفل
مودي المنسي
عضو جديد
avatar

عدد المساهمات : 4
نقاط : 6
تاريخ التسجيل : 19/03/2011
العمر : 26

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   السبت مارس 19, 2011 8:53 pm

السلام عليكم انا لسه مسجل في المنتدي والموضوع دا زعلني منك يا ادمين ياريت تبعد عن الصعايده علشان انا منهم وشكرا علي احترامكم للصعايده الي هما اجدع ناس الي من حقكم تمدحو فيهم مش تضحكو علييهم
الرجوع الى أعلى الصفحة اذهب الى الأسفل
Walaa Radwan
عضو ذهبي


عدد المساهمات : 175
نقاط : 238
تاريخ التسجيل : 29/11/2009

مُساهمةموضوع: رد: يوميات احمد الصعيدي ... ونور بنت استايل ... في الجامعة‏   السبت أبريل 07, 2012 1:41 am

اجمل شئ ان تجد الضحكه حين تحتاجها ...............ولكنك لا تستطيع استقبالها
بجد جميله جدا
الرجوع الى أعلى الصفحة اذهب الى الأسفل
 
يوميات احمد الصعيدي ... ونور بنت استايل ... في الجامعة‏
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
nile :: الفئة الأولى :: المنتدي العام-
انتقل الى: