اتفأجات اول ما شوفت الخبر ده؟؟؟؟.. اتضايقت؟؟؟ اتأثرت لما شفته؟؟؟؟ ليه؟؟
هو المسجد الاقصى بيمثل لك ايه؟؟؟؟ انت عملت ايه فى حياتك عشان تسانده وتساعده..
. غيرت ايه فى نفسك عشان تنصر دينك.... اول ما تسمع اى خبر عن المسجد تقول انا عاوز
اروح اس...تشهد فى غزة.. بس انت مش هتقدر.. انت اول ما تروح هتهرب... لانك اصلا مش قادر
تجاهد نفسك يبقى ازاى هتجاهد اسرائيلى وانت مش قادر تجاهد نفسك.... بستمع الأدان
خمس مرات فى اليوم ومش بتصلى يبقى ازاى هتحرر فلسطين؟؟؟؟؟ عارف ان الافلام
الاباحية حرام وبتدمرك ومش قادر تسيبها .. يبقى ازاى هتجاهد فى الحرب؟؟؟؟ بتدعى ان
ربنا ينصرنا عليهم وانت ما نصرتش ربنا فى نفسك.. تقدر تقولى انت عايش ليه؟؟؟ غيرت ايه
فى نفسك؟؟ عملت ايه لدينك ولمستقبلك؟؟؟ هل مرة حلمت بحاجة وسعيت انك تحقق
حلمك ده؟؟لا ... عارف ليه؟؟؟ عشان انت مش قادر تقاوم شهواتك... مش قادر تغير نفسك....
الاقصى من ستين سنة وهما يهدوا فيه.. مرة يحرقوه ومرة يدخلوا فيه بالخيل... والحفر
مستمر تحت منه الان.,... ومش بعيد تصحى فى يوم تسمع الخبر اللى انا قلته فى الاول...
ساعتها هتعمل ايه...؟؟ ساعتها هتقول انا رايح احرر فلسطين... مش هتقدر .. اول ما تشوف
اليهود قدامك هتهرب.. لانك مش قادر تحارب نفسك وتنصر ربنا على شيطانك... يبقى ازاى
هتجاهد.... وانتى يا اختى.. قلبك بيتقطع اول ما تشوفى مناظر الشهداء ... قلبك بيتقطع اول
ما تشوفى الناس مذبوحين .. وتبكى وتصلى يومين وتلبسى الحجاب يومين... ولما تعدى
الموجة.. خلاص ما فيش صلاة.. ما فيش حجاب....
ليه يا مسلمين
=================
ليه كل ده بيحصل؟؟؟ لحد امتى هنفضل ساكتين على نفسنا؟؟ لحد امتى هنفضل نجرى ورا
شهوتنا؟؟؟؟ عمرنا ما هنحرر فلسطين ولا اى مكان طالما احنا ما حررناش نفسنا من الدنيا وشهواتها....
اللى هيحرر المسجد الاقصى رجالة اتربت فى المساجد وعلى كتاب الله... مش شوية عيال
بيجروا ورا شهواتهم فى الكلية والنت وفى كل مكان.... اللى هيحرر المسجد الاقصى يا اختى .
. بنات اتربت ان الحجاب فرض وحماية للبنت.. اللى هيحرر المسجد الاقصى بنات اتربت على
كتاب الله .. مش على الاغانى والافلام....
فوقوا بقى يا مسلمين... فوقوا بقى.... لحد امتى هنفضل ساكتين.. انا ما بطلبش منك انك
تمسك سلاح وتحارب اليهود.. انا بطلب منك انك تسمك كتاب الله وتحارب نفسك الامارة بالسوء....
والله يا جماعة هى حياة واحدة تعالوا نجعلها لله... تعالو نغير حياتنا لله... تعالوا ننوى اننا نغير
حياتنا عشان ننصر ديننا ... والله النصر ما هييجى بالاسلحة والقنابل... النصر هييجى لما نرجع
لربنا.... يا ريت كل واحد بينه وبين نفسه.. ينوى وياخد عهد على نفسه انه يغير نفسه.
. ساعتها ربنا هيغيرك.. ساعتها هياتى نصر الله..