جمال بشرتك من الطبيعة

ازاى تحفظى على جمال ونضارة بشرتك من مكونات الطبيعة

1_ماسك الفراولة للبشرة الدهنية:ثمار الفراولة حمضية التأثير عشان كدة بتناسب البشرة الدهنية بدرجة كبيرة,وطريقة عمل الماسك عن طريق هرس مقدار فنجان كبير من ثمار الفراولة منزوعة الاعناق بعد كدة نضع هذا المهروس من ثمار الفراولة فوق البشرة مباشرة وبالتدريج حتى يتم تغطية المسام المراد تغطيتها ومن غير اى اضافات لمدة حوالى من 10 الى 15 دقيقة مع تجنب وضع اى كمية على المنطقة المحيطة بالعين بعد كدة نغسل البشرة بالماء الفاتر ثم الماء البارد و ذلك لانعاش البشرة وفايدة ماسك الفراولة انة بيفيد فى انقباض المسام المفتوحة وبيقلل من افرازات البشرة الدهنية وبيغذيها بالعناصر المعدنية وينشط الدورة الدموية وكمان بيعالج الكثير من شوائب الوجة.
2_ماسك الخوخ لجميع انواع البشرة: ويتم اعدادة باستخدام 5 ثمرات خوخ ناج منزوع البذور ونهرس الخوخ فى وعاء بعد كدة بنضع هذا المهروس على البشرة مباشرة (بالنسبة للبشرة الجافة ممكن نحط معلقة قشطة على هذا المهروس) (وبالنسبة للبشرة العادية والدهنية ممكن نحط 1/2 كوب لبن على المهروس) بعد كدة نضع الماسك على الوجة لمدة من10 الى 15 دقيقة لاكساب الوجة النضارة والبهجة والنعومة.]

اولا: ازيك يا شوشو
وثانيا : دايمن منورة المنتدي
وثالثا : موضوعك يجنن ونصايحك جامدة جدا وطبيعية جدا انا بشكرك جدا
واحنا في انتظار مزيد من نصايحك المفيدة

انا فرحانه اوي يا شوشو ان الاعضاء النشطين زادوا عضوه مواضيعها جميله زيك

بجد شكرا ليكى يا سمسمة انتى وسنديرلا
والمنتدى منور بصحابة يا سمسمة

شكرا ليكي يا شوشو علي موضوعك اللي زي العسل زيك لانها بجد ماسكات سهلة اللي مش هكسل عن اني اعملها
عايزينك دايما منورانا بموضوعاتك
واتمني يكون موضوعك اللي جاي خاص بمجال دراستك انا مستنياه من ساعة ما دخلت المنتدي
اجبري بخاطري ونزليهولي يا شوشو

اولا:ميرسى ليكى يا ولاء على ردك الجميل دة
ثانيا:انا مقدرش ازعل حد من المنتدى وهجبر بخطرك وهعمل موضوع يتعلق بدراستى قريب جدا بس اعذرينى اليومين دول لان انا فى فترة الامتحانات ببقى مش طيقة سيرة الدراسة ولا المنهج

ياعيني عليكي ياشوشو لما تبدعي وبالنجاح ان شاء الله

ميرسى يا هوبى على ردك الجميل دة