amira مشرف منتدي التعارف
عدد المساهمات : 123 نقاط : 153 تاريخ التسجيل : 24/01/2010 العمر : 39
| موضوع: وصفات للتخسيس الخميس يناير 28, 2010 2:27 pm | |
| ازيكم ياحلي عضوات
انا انهارده هتكلم معاكم عن اهم الخلطات العشبيه المجربه الخاصة بالسمنه والتي منها ما يعمل علي حرق الدهون ومنها ما يعمل علي سد النفس والتقليل من الشهيه
اولا هتكلم عن المشروب السحري وده مشروب انا عن نفسي مجرباه ونتيجته مضمونه
مكوناته :
شاي اخضر ، جنزبيل ، روزماري ، شمر ، كمون ، نعناع ، ينسون ، هندباء ، ليمون ، لسان الحمل
طريقة تحضريه :
يتم اخد كميات متساويه من كل نوع وليكن 50 جرام ثم يطحن ويوضع في برطمان زجاجي ويؤخذ منه ملعقة شاي علي كوب مايه مغليه مره علي الريق ومره قبل الغدا بربع ساعه ومره قبل النوم مباشرة
الفائده : زياده معدل حرق الدهون وسد النفس وادرار البول الزائد عن حاجة الجسم وعلاج حالات الامساك اثناء عمل الرجيم
ثانيا : خلطة شاي رجل اسد + خل التفاح
مكوناتها :
يتم يتم طحن رجل الاسد في المطحنه توضع برضو في برطمان زجاجي يؤخذ مقدار ملعقة شاي منها علي كوب ماء مغلي + مقدار ملعقة شاي خل تفاح بعد الفطار والغدا والعشاء مباشرا 3 مرات في اليوم
الفائده : حرق الدهون وتصغير حجم المعده و سد النفس
ثالثا : الجريب فروت + خل التفاح :-
دي برضو خلطة لطيفة اوي تعصري حبه جريب فروت + ملعقه خل تفاح بعد كل وجبه مباشرة
الفائده : حرق الدهون وتصغير حجم المعده
رابعا :الحلفابر بالنعناع :-
دي خلطة روعه مش محتاجة كلام كتير يؤخذ ملعقة شاي من حلفابر عليه قليل من النعناع يشرب منها 3 مرات في اليوم في اي وقت
الفائده : علاج الانتفاخ بالبطن وادرار البول الناتج من حرق المواد الدهنيه المختزله اثناء عمل الرجيم
خامسا : شاي اخضر بالجنزبيل :-
عوزه اقولكم ان الابحاث اكدت ان شرب 3 مرات منه بتفقد 200 سعر حراري في اليوم وبرضوا في اي وقت
الفائده : لزياده معدل حرق الدهون بصور هايله
سادسا : خلطة الجنزيبل بالقرفه :-
المكونات :
ملعقة صغيره ممسوحة جنزبيل + ملعقة صغيره ممسوحة كمون + نصف ملعقة صغيره قرفه مطحونه +ليمونه تقطع علي 8 شرائح علي الاقل
طريقة تحضيرها :
تحطي المكونات في الكوبايه وبعدين تصبي عليها مايه مغليه وتغطيها لمده 10 دقايق وبعدين تتصفي في كوبايه تانيه وتتشرب قبل الاقل ب20 دقيقه
الفائده : لزياده معدل الحرق + سد النفس تنبيه : ياريت بس اصحاب المعده الحساسه مع الوصفة دي يستخدموها بحذر لو حسوا بتعب يوقوفها فورا لان الليمون مع الجنزبيل ممكن يتعبهم شويه لاقدر الله
دي الخلطات والمشروبات اللي انا بثق فيها ملهاش اي اثار جانبيه وان شاء الله الموضوع مفتوح لو في جديد اكيد هينزل فيه | |
|
mahmoud عضو فعال
عدد المساهمات : 49 نقاط : 74 تاريخ التسجيل : 19/01/2010 العمر : 28
| موضوع: رد: وصفات للتخسيس الخميس يناير 28, 2010 2:37 pm | |
| كل دة علشان اخس مكانت الرياضة احسن | |
|
semsema مشرف منتدي عالم حواء
عدد المساهمات : 324 نقاط : 527 تاريخ التسجيل : 27/11/2009 العمر : 41
| موضوع: رد: وصفات للتخسيس الجمعة يناير 29, 2010 10:18 pm | |
| حلوة اوي الوصفات دي وسهله جدا ايه يا اميرة المواضيع الجامدة دي تسلم ايديكي عشان كلنا نعرف نخس شوية | |
|