بمناسبة المنتدي الجديد انا هقولكوا طريقة عمل تورتة الايس كريم

انا بجد فرحانة عشان الادارة استجابت لطلبي وعملت المطبخ .. وانا من النهارده اعتبروني مرجع للكل ما يخص المطبخ واحتفالا بالمنتدي الجديد انا هقولكوا طريقة عمل تورتة الايس كريم يالا بينا :

خدوا عندكو ..
المقادير..
2 كيس كريم شانتيه
2 علبة بودرة آيس كريم فانيللا
4ملاعق كاكاو كبيرة
2و 3/2كوب حليب مثلج
2 باكو بسكويت سادة او اكتر زي ماتحب
اكوب متوسط حليب محلى بالسكر و الكاكاو و يكون ساخن
شوكولاتة سادة مبشورة و مكسرات للزينة
الطريقة..
يرص البسكويت السادة في صينية مقاس 24
ممكن طبقة او اتنين و بلاش تلاتة عشان ماتنشفش
بعد كدة نسقي البسكويت بالحليب اللي بالكاكاو الساخن..
و نستنى شوية و بعدين نحط الصينية في الفريزر..
و بعد ساعة
نضرب الايس كريم البودرة مع كوب و 3/2 حليب مثلج
نضربهم مع بعض لحد مايحصل تماسك.. اصبر و ماتستعجلش هياخد وقت شوية ..
و بعدين نحط الايس كريم على البسكويت اللي في الصينية
سيبهم في الفريزير 3 ساعات
و بعد كدة..
نجيب كوب لبن مثلج و نضرب الكريم شانتيه و ال4 ملاعق كاكاو معاه..
و نضربهم كويس لحد مايحصل تماسك برضه..
و بعدين نطلع الصينية و ندهن الايس كريم المتماسك بالكريم شانتيه..
و نرش الشيكولاتة المبشورة على وجه الصينية و المكسرات لو حابين..
و بعد كدة تترك في الفريزر لمدة ساعة
ثم تقطع عادي جداً بالسكين..
و هتلاقوا شكلها جميل و طعمها أجمل..
ملحوظة :
يمكن تبديل الشوكولاتة بالفانيليا او الفواكه..
بس دي فكرة مبدئية ..

حلوة اوي الوصفة دي اكيد اكيد انشاء الله حاجربها بس بجد تسلم افكارك

شكرا علي مروركم واوعدكم بالمزيد