يا ابن البلد

موضوع: يا ابن البلد الإثنين يناير 11, 2010 11:48 pm

بسم الله الرحمن الرحيم

وبه نستعين

يا مصر ياللي جمالك جالب السواح من بره

جايين يقضوا ليالي كلها افراح ومسره

جايين يشوفوا جهودك وايه في الاصلاح ياحره

ويشوفوا اثار تاريخك والي عدي وراح بالمرة

يلاقوا لبشة قصب في شارع الاهرام ممصوصة

وبذرة المنجة وياه بذرة الشمام مفعوصة

وتين بشوكة قشوره في الطريق العام مرصوصة

بلاوي انواع لكسر الوسط والعظام مخصوصة

يلاقوا البسكليت رابط ثلاث خرفان جزراها

يتلوي بيها ويحجل في ميدان سليمان في نهارها

يكرهك في البتلو والبقر والضان منظرها

وكل ما يلمسه من بدله او فستان يزفرها

واثنين من البوهجية مشبوكين في هزار ومهارشه

واحد وراء التاني شمر جلابيته وطار بالفرشة

تيجي في عابر سبيل ويبته المقدار علي فرشه

وانت يا قهوجي يا صبوه يا مخدم في القهوة

تدلق ماجور قهوتك في الشارع المزحوم علي سهوه

تلغمط الناس جميعا من وجوه وهدوم بالتنوه

والي يعارضك تقابله بالشضل والشوم والقوة

وع الرصيف النضيف الضهر ناس قاعدين بيتغدوا

جنب قشر البصل والسرت والسردين يتمدوا

لا بالنصيحة ولا بالزجر والقوانين يتصدوا

وتنادي ساعتين عليهم اصحوا يا نايمين ما يردوا

يا ابن البلد دي البلد مكتوب عليها اسمك

و زي ما تكون شوراعها يكون رسمك

حافظ عليها كما تحافظ علي جسمك

لا تشمت الناس وتفرح عليك خصمك

تسلم ايدك يا سمسمه علي الكلام اللي بجد يستاهل الشكر واتمني اننا نفهمه ونحس باهمية اننا نعالجه مهما كانت الخطوه اللي هنعملها صغيره وبجد الموضوع هادف قوي وبكرر شكري وتقديري ليكي

احسنتي يا سحر والله

كل الموضيع كلها جميلة santa

ميرسي يا محمود

ميرسى يا سمسمة على الكلام الجامد دة بس يا ريت كل الناس تقراة وتفهمة بجد

ياريت يا شوشو ان الناس تفهم ان بلدنا لازم نحافظ عليها

» البلد دي مش بلادنا ولا إيه ??