طريقة عمل الكانيلوني

بسم الله الرحمن الرحيم
وبه نستعين

بعد اذنك يا سندريلا اني رديت علي طلب ولاء

المقادير

: 1 كوب حليب
: 1 كوب دقيق
: 3 بيض

هذه المقادير تكفى عمل 11 قرص, و يمكن مضاعفة الكمية حسب الرغبة

الطريقة:

نخلط جميع المقادير جيدا و نقلب كويس جدا لحد ما يمتزجوا كويس اوي

و بعدين نصفى الخليط من خلال مصفاة رفيعة عشان نشيل أى كلاكيع

و بعدها هيكون الخليط سائل و سميك حاجة بسيطة وكل ما يكون القوام رقيق يكون الطعم أخف وألذ

بعد كده نجيب طاسة تيفال صغيرة و نحط فيها نقطتين زيت و نسخنها ع النار وبعدين ناخد مقدار فنجان قهوة
من الخليط بتاعنا حتي يصبح مقدار كل قرص متساوي وبنفس الحجم ونضعها بشويش فى نص الطاسة

نحرك الطاسة لحد ما الخليط يغطى كل مساحة الطاسة

و نتأكد ان الخليط اتفرد كويس,عشان نحصل على قرص كامل , كأننا بنعمل بيض أومليت

نسيبه على نار متوسطة لحد ما يبدأ يستوى , و ده هنعرفه لما نلاقى الحروف نشفت وابتدت تعلا عن الطاسة
وكمان لما نحرك الطاسة,القرص يتحرك معانا

نقلب القرص على الجهة التانية و نسيبه ثوانى يادوب ياخد لون ذهبي ونطلعه على صينية أو طبق.
ونكرر لحد ما تنتهى كل الكمية و بين كل قرص و التانى , نحط نقطتين زيت فى الطاسة

بعد كده نعمل صوص بشاميل عادى خالص , لكل 1 ملعقة دقيق نحط 1 ملعقة زبدة

و بعدين نضيف 1 كوب حليب و نقلب كويس جدا عشان كله يمتزج كويس

نحط ملح و فلفل حسب الرغبة . بعد ما نطفى النار , نضيف 1 بيضة و نقلب كويس
وطبعا نضاعف كمية البشاميل حسب ما احنا عايزين

نجهز الحشوة.............

العادى اننا نستعمل لحمة مفرومة متعصجة , لكن ألافضل
ان تضيفي للحمة المفرومة طماطم و فلفل رومى و بصل و مشروم وزيتون أخضر و أسود وجبن رومى مبشور .......
الخلطة دى بيبقى طعمها حلو أوى مع بعض

ناخد قرص من اللى عملناهم و نحط فيه شوية حشوة

و نلف القرص على الحشوة

و نرص وحدات الكانيلونى فى طبق فرن بايركس او تيفال

و لما نخلص كل الكمية , نحط على الوش البشاميل اللى عملناه

و ممكن نرش ع الوش جبنة رومى مبشورة أو موزاريللا
و بعدين نحطه فى الفرن لحد ما الوش يتحمر

بالهنا و الشفا

الف مليون شكر يا سحر ربنا يخليكي ليا يارب ممكن كل الاعضاء تقول آآآآآآآآآآآمين

انتي تأمري يا لولو اي حاجة عايزة تعرفيها انت بس اسألي وانا عيني ليكي انتي اختي

برافوا عليكي يا سمسمه
شكلك أستاذة في المطبخ

ربنا يخليكي يا سندريلا انت بجد عضوة جميلة جدا

» طريقة عمل الفطائر
» طريقة عمل الكريب
» طريقة عمل المايونيز
» طريقة الملوخية بالجمبرى
» مفاجاة طريقة عمل الحواوشى البلدى