عايزين نضحك شويه بقي

مرة واحد اتخانق مع ابوة فسبلة البيت ومشى ابوة قالة رايح فين مردش علية وقام
موقف تاكسى وركب السواق قالة على فين قالة ازا كان مقلتش لابويا هقلك انتا

> مره واحد مسطول ماشى فى الشارع لقى مزيعه بتقوله لو سمحت فين القمر قالها اهوه
قالتلو مبروك كسبت عشرين جنيه قالها فى واحد تانى هناك اهوه

> مره واحد صعيدى أتخنق من مراته ولع فى نفسه وحضنها

> واحدة ست راحت للدكتور قالته يادكتور إبنى مبياكلش كويس قالها طيب بيفطر إيه
قالتله ياعين أمه ياعين أمه بيفطر20بيضة بس قالهاطيب بيتغدى إيه قالتله ياعين
أمه ياعين أمه30فرخة بس قالها طيب بيتعشيه إيه قالتله ياعين أمه ياعين أمه ورك
خروف بس رد عليها وقالها ياعين أمه ياعين أمه كمان شوية ياكل الدكتور وأمه

> مرة واحد غبى مش عايز يروح المدرسة ابوه قاله ليه مش عايز تروح المدرسة اصل يا
بابا المدرس بيقولى انا غبى ومبفهمش قالوا طيب انا هروح معاك المدرسة وهشوف
المدرس المهم ان ابو الواد راح المدرسة قال للمدرس انت ليه بتقول على ابنى غبى
ومبيفهمش المدرس قال انا هثبتلك ان ابنك غبى راح المدرس قال للواد روح شوفنى فى
مكتب الناظر وتعالى راح الواد وجيه قال مش موجود فى مكتب الناظر راح ابو الواد
قال ملقتهوش فى مكتب الناظر طيب انزل شوفو فى الحوش

>
بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى
مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول
زلعة بس نسى يسمى، تانى شهر برضه نسى يسمى، ثالث شهر طلع له الشيطان قال
له:"ابوس ايدك سمى، صدرى اتحرق!"

> مره خمس صعايده داخلين امتحان فجالهم سوال ما هي عدد ارجل المعزه؟ كلهم قعد بقي
يسالوا الدحيح بتاعهم مكنش بيرد عليهم
بعد الامتحان بيسالوا انت مكنتش بترد ليه قالهم اصل المراقب كان جنبي معرفتش
اطلع المعزه

> واحد صعيدي نزل محطة مصر لقى بتاع الأنابيب بيخبط عليها، قال له
افتحلي واحدة ساقعة لو سمحت

> مرة واحد سعودي لقى مصباح علاء الدين دعكه طلعله الجني قاله شبيك لبيك تطلب
ايه: قاله: طلعلي كل المصريين من السعوديه فالجني قاله: ليه بس يا عم احنا
عملنالك حاجه

> واحد صعيدى عينوه مدير ملجأ أيتام اول قرار اخده اجتماع لأولياء الامور

> واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص
االقرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه
بعد تلات أيام
، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت
مت ؟ قام الكتكوت وقال له : يخرب بيتك بوظت الكمين

> بلدياتنا و امريكى و يابانى عرضوهم على جهاز كشف الكذب
اليابانى: إحنا بنفكر نعمل انسان آلى و نستغنى عن البشر ، راح الجهاز صفر..
الامريكى: احنا بنفكر نطلع المريخ و نعمل مستوطنات عليه، راح الجهاز صفر..
بلدياتنا: إحنا (بنفكر) ولسه مكملش ،،،،،،،،،،راح الجهاز صفر

> مره واحده بتقول لجوزها "تصدق إن أنا كل يوم بحلم بيوم جوازنا" قالها "
هى لسه الكوابيس دى بتجيلك

قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا
فلوس زي محسن صاحبي ولكني أعشقك واحبك .. فضمته ودمعت عيناها
وقالت : إن كنت بتحبني بجد .....عرفني على محســـــن

> صعيدي وامريكي ، الامريكى قال للصعيدي وصلتو فين بالتطور
الصعيدي رد وقال ياعم تطور ايه دا احنا رجعنا لورا
ثم سأل الصعيدي الامريكي انتوا وصلتوا فين بالتطور الامريكي قاله احنا وصلنا
بالتطور اذا القمر الصناعى عطل في السما نقدرنصلحه الصعيدي فكر شوية وقال
يااااااااااااااه هو المفك بتاعكم طوله أد ايه

> اربعه صعايدة بيلعبو علي الطريق السريع الي العربيه تخبطه مرتين يطلع بره

> واحد صعيدى واقف قدامه خمس شياطين .... واحد يوسوسله و اربعه يفهموه

حلوة حكايه النكت دي ما احنا محتجين لترفيه بردوا واسمحيي بعد اذنك يا هبه اني اشارك معاكي بكام نكته كده علي قدي يعني

واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني
حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني

واحد قبل ما يموت جمع ولادة التلاتة وحب يوصيهم
يفضلوا ايد واحدة واعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم

مرة واحد صعيدى جزمتة اتقطعت راح
خبطها وبعد اسبوع لقاها بقت كويسة راح فك الخياطة

احد ندل جيرانه خبطوا عليه بالليل وقالوله
ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربة مياه و نامى

مرة واحد غبى جاله عقد عمل فى الكويت يوم السفر قاعد فى المطار فالمذيع الداخلى بيقول على ركاب الرحلة رقم 550 المتوجهة الى الكويت التواجد بصالة الدخول واعاد ذلك مرة ثانية فموظف المطار بيقوله يا استاذ رحلة الكويت هتطلع, فرد علية وقاله ياعم دول طالعين رحلة انا طالع شغل

مرة واحدة قاعدة مع جوزها في جو رومانسي قالت لجوزها قولي كلمة حلوه قالها: بسبوسة قالت لأ كلمة تهزني قال لها مرجيحة قالت كلمة تحسسني أني مراتك قال لها انتي طالق

واحد تاكسجى نايم مراتة دخلت علية بالليل وقفلت الباب بشويش..صحى قال لهاافتحية واقفلية تانى

مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت
له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك

ايه الجمال ده كله يا هبه انتي وسما بجد انتو دمكم خفيف جدا ربنا يحميكم من عيونا عنينا عليكم بارده

بصراحه النكت دي جت في وقتها

وهضيف عليهم واحده
(لجنة امتحان)

وائل: غششني السؤال الرابع يا حسام
حسام:حرام
وائل: حرام ايه انت لسه غاشش مني الامتحان كله امبارح اديني السؤال الرابع
حسام: بقولك حرام
وائل: دلوقتي بقي حرام قول بقي وبطل رخامه
حسام: يوه قولتلك حراااااااااااااااااااااااااااااااااااااااااااااااااام

وبعد شويه

وائل: حسام اديني السؤال السادس
حسام: من غشنا فليس منا
وائل: دلوقتي بقيت تقي ماشي وبعد ثواني يا حسام هات السؤال بقي
حسام: من غشنا فليس منا

وبعد اللجنه

حسام :عماله اغشش فيك اديلي ساعه وانت مش بتفهم
السؤال الرابع ايه حكم الشريع في الربا وانا بقولك حرام
والسؤال السادس الدليل من الاحاديث علي تحريم الغش وانا قولتلك من غشنا فليس منا
هوا انت ناسي اننا في امتحان دين

ايه المواهب الجميله دي

افكره حلوه جدا يا هبه انتي وسما و ولاء
الترفيه مطلوب

مرة اربعة ركبين عربية فاوقفت فجاة فقال الى بيسوء انا نازل اشوف فى اايه ولما نزل مرجعش وتانى نزل مرجعش والثالث مرجعش فلرابع نزل وقال لهم فى ايه الو شششششش العجلة نيمة alien

أيوه كده كله جد جد مفيش هزار

واحد بيقول لصاحبه مش عيب مراتك تحدفك بشبسب واحنا قاعدين قاله بزمتك جه فيه

» أسماء شويه اعضاء بكرههم ومالهمش لازمه فعلا فى المنتدى...