boky alnobia
عضو برونزي
عدد المساهمات : 78
نقاط : 120
تاريخ التسجيل : 14/12/2009
العمر : 37
 |  موضوع: الدرس انتهي (صلاح جاهين)  الأربعاء فبراير 24, 2010 8:34 pm | |
| الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..
ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …
ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس | |
|
أحمد سيف الدين
عضو فضي
عدد المساهمات : 127
نقاط : 143
تاريخ التسجيل : 27/11/2009
| | موضوع: رد: الدرس انتهي (صلاح جاهين) الخميس فبراير 25, 2010 11:20 pm | |
| ما اروع اختياراتك يا سارة | |
|
boky alnobia
عضو برونزي
عدد المساهمات : 78
نقاط : 120
تاريخ التسجيل : 14/12/2009
العمر : 37
| | موضوع: رد: الدرس انتهي (صلاح جاهين) الجمعة فبراير 26, 2010 5:38 pm | |
| انا متشكره جدا يا احمد على ردك وعلى فكره بتعجبنى ردودك قوى على كل أعضاء المنتدى | |
|
queen_of_babylon7
عضو برونزي
عدد المساهمات : 82
نقاط : 92
تاريخ التسجيل : 19/12/2009
| | موضوع: رد: الدرس انتهي (صلاح جاهين) الجمعة مارس 26, 2010 10:49 pm | |
| القصيده دي رثاء لاطفال مدرسة بحر البقر
صح يا سارة ؟؟؟ | |
|
